Mu Karere ka Gatsibo ubuhinzi n’ubworozi ni umwuga ukomeye kuko ariwo utunze umubare munini w’abaturage. Niwo mwuga ugera ku baturage bose ntawe uvuye mo n’umwe kuko n’utawukora akenera umusaruro uturutse mo kugira ngo abeho.
Akarere ka Gatsibo kamaze kureba kure kahisemo gushyira ingufu nyinshi mu buhinzi n’ubworozi, kongera ubuso bw’ubutaka buhingwa ndetse kakibanda cyane guhinga ibihinwa byatoranijwe birimo: ibigori, ibishyimbo, umuceri, soya n’imyumbati.
Ibi byose byagiye bikorwa hagamijwe guca inzara mu baturage,ndetse n`intego yo kugera ku buhinzi bugamije gushora umusaruro ku masoko dore ko Akarere ka Gatsibo kamaze kubaka ubuhunikiro butandukanye mu mirenge kugirango abaturage badasarura bagana isoko kandi bahendwa.
Imbonerahamwe ikurikira iragaragaza imihigo yo mu buhinzi yahizwe mu mwaka wa 2016-2017.
| Umuhigo | Intego | Amafaranga kizatwara | Uzagikora |
1 | Guhuza ubutaka ku bihingwa byatoranijwe | Ibigori: 29,714 ha Umuceri:2,582ha Ibishyimbo: 31,218 ha Soya: 2000 ha imiyumbati:1000 ha | 7,758,772 | Abahinzi, MINAGRI n’Akarere |
2 | Kuvugurura urutoki | 2,000 ha z’urutoki zizavugururwa | 2,000,000 | Abahinzi, n’Akarere |
3 | Guhingisha Imashini | 550 ha zizahingishwa Imashini | 2,000,000 | Abahinzi, MINAGRI n’Akarere |
4 | Gukoresha ifumbire m’ubuhinzi | Gukoresha ifumbire mubuhinzi kuri 81% | 3,500,000 | Abahinzi, MINAGRI n’Akarere |
5 | Kongera Umusaruro w’ubuhinzi | Hazasarurwa •Ibigori: 4.8T/ha •Umuceri:6T/ ha •Ibishyimbo:1.8T/ha •Soya:1.5T/ha •Ibitoki : 25 t/ha | 500,000 | Abahinzi, n’Akarere |
6 | Kuhirira Imyaka hakoreshejwe imashini | 300 ha z’izuhirirwa hakoreshejwe imashini | 54,000,000 | Abahinzi, MINAGRI n’Akarere |
7 | Gukura imashini z’uhirrira Imyaka | Imashini 64 zuhirira Imyaka | 54,000,000 | Abahinzi, MINAGRI n’Akarere |
8 | Guhunika Imyaka | 5,000T z’ibigori n’ibishyimbo zizahunikwa | 400,000 | Abahinzi, n’Akarere |
Amwe mu mategeko, amateka n'amabwiriza birebana n'ubuhinzi n'ubworozi
1) Amabwiriza yo kuwa 03/10/2012 ya Minisitiri y'Umutungo kamere agenga imikoreshereze y'ubutaka bwasaranganyijwe mu Ntara y'Iburasirazuba.
2) Amabwiriza No 0001/2016 yo kuwa 25/02/2016 ya Minisitiri w'Ubuhinzi n'Ubworozi agenga imitangire n'imicungire y'inka zitangwa muri gahunda ya Girinka
3) Itegeko Nº47bis/2013 ryo kuwa 28/06/2013 Itegeko rigena imicungire n’imikoreshereze y’amashyamba mu Rwanda
4) Iteka rya Minisitiri w'Ubuhinzi n'Ubworozi rigena uburyo bwo gukusanya, gutwara no gucuruza amata
Aho wasanga amakuru agendanye n'ubuhinzi n'ubworozi:
www.naeb.gov.rw www.rnra.gov.rw