Kuri uyu wa kabiri, tariki 04.05.2021, mu rugo rw'amahoro rwo muri paruwasi ya Bare iherereye mu murenge wa Mutenderi muri Diyosezi ya Kibungo habereye igikorwa cyo gushyikiriza abantu bafite ubumuga ibikoresho birimo ibiryamirwa, inyunganirangingo zigizwe n'amagare 3 ndetse n'ibindi bikoresho bitandukanye bifite agaciro kangana 2,000,000Frw byose byaguzwe w’Akarere ka Ngoma
Mu butumwa yatangiye mu rugo rw'amahoro rwa Bare Umuyobozi w’Akarere ka Ngoma wungirije ushinzwe imibereho myiza y’abaturage Madamu KIRENGA Providence yibukije ko abafite ubumuga ari abantu nk'abandi kdi ko bagomba kwitabwaho akaba ariyo mpamvu nk'ubuyobozi bw'Akarere buhora buzirikana icyabafasha kubaho banezerewe bukabagenera inyunganirangingo ndetse n'ibindi bikoresho nkenerwa mu buzima bwa buri munsi. Yanashimiye kandi Cartas ya Kiliziya Gatorika ya Kibungo ndetse n'Urugo rw'Amahoro rwo muri Paruwasi Gatorika ya Bare uruhare bagira mu kwita ku bantu bafite ubumuga kandi abizeza ubufatanye muri byose.
Urugo rw’Amahoro rwa Bare rubarizwamo abantu bafite ubumuga 17 barimo abagabo 8 n’abagore 9 baturuka mu turere twa Ngoma na Kirehe.