Taliki ya 19 Nyakanga 2020, hirya no hino mu Gihugu zimwe mu nsengero zamaze kugaragaza ko zujuje ibisabwa kugirango zemerwe kongera gufungura zamaze gukomorerwa, mu Karere ka Gasabo kimwe nahandi hose mu gihugu, Insengero zasuwe bagasanga zujuje ibisabwa zatangiye gukora, amwe mu mabwiriza nuko Insengero zigomba kuba zateguye uburyo abaje gusenga bubahiriza amabwiriza yo kwirinda icyorezo cya #COVID-19.
Mu rwego rwo gukomeza gukora ubugenzuzi harebwa ko abakomorewe barimo gusenga kandi bubahiriza amabwiriza agenga insengero, itsinda rigizwe n’Ubuyobizi bw’Akarere, nzego z’Umutekano bagiye mu nsengero zakoze harebwa iyubahirizwa ry’amabwiriza yo kwirinda #COVID-19.
Mu Karere ka Gasabo Insengero zujuje ibisabwa zikaba zaratangiye gukora ni izi zikurikira:
1. Regina Pacis iherereye mu Murenge wa Kimironko
2. EAR Kibagabaga mu Murenge wa Kimironko
3.ADEPR Remera
4.Women Foundation Ministries ruhereye mu Murenge Kimihurura,
5.Restauration Church yo mu Murenge wa Ndera Akagari ka Masoro
6.Bathesida mu Murenge wa Kinyinya Akagari ka Gacuriro
7. Adventist Church mu Murenge wa Remera
8.Umuzigiti w aba Islam yo mu Murenge wa Kicyuru.
Izi nsengero zose uretse izab’Adventist b’Umunsi wa karindwi baterana ku munsi wa Gatandatu, abandi bose ejo barateranye.
Nubwo izi Nsengero zakomorewe, zirasabwa gukomeza kubahiriza amabwiriza yo kwirinda ikwirakwizwa ry’icyorezo cya Corona Virus. Kandi nizindi nsengero zikiri mu myiteguro nazo zirasabwa kwitegura neza bakuzuza ibisabwa hanyuma ubuyobozi bw’Umurenge baherereye mo bukazabasura bakareba ko babyujuje kugirango bakomorerwe.