Taliki ya 13 Mata 2021,mu Karere ka Gatsibo mu murenge wa Remera ku rwibutso rwa Jenoside yakorewe abatutsi rwa Bugarura habereye umuhango wo gusoza icyumweru cy'icyunamo cyo kwibuka abatutsi bishwe muri Jenoside yo muri 1994 mu Rwanda.
Buri mwaka taliki ya 13 Mata, abafite ababo bashyinguye mu rwibutso rwa Jenoside yakorewe abatutsi rwa Bugarura bifatanya n'Ubuyobozi bw'Akarere kwibuka ababo bishwe muri Jenoside bagashyira indabo kumva bashyinguyemo mu rwego rwo kubasubiza icyubahiro bari bafite.
Uyu muhango witabiriwe n’Umuyobozi w’Akarere ka Gatsibo arikumwe n’inzego z’umutekano, uhagarariye umuryango Ibuka n’abahagarariye imiryango ifite ababo bashyinguye mu rwibutso rwa Jenoside yakorewe abatutsi rwa Bugarura mu kagari ka Rwarenga mu murenge wa Remera,bashyira indabo kumva ishyinguyemo imibiri
Umuyobozi w'Akarere ka Gatsibo Gasana Richard yasabye abacitse ku icumu rya Jenoside yakorewe abatutsi gukomera no Kwiyubaka mu bukungu,avuga ko kwiyubaka bituma bakomera mu mitima yabo
Kwibuka ku nshuro ya 27 Jenoside yakorewe abatutsi mu Rwanda gufite insanganyamatsiko igiriti "Kwibuka Kwiyubaka"
Urwibutso rwa Jenoside yakorewe abatutsi rwa Bugarura ruri mu Kagari ka Rwarenga Umurenge wa Remera rushyinguyemo imibiri y'abatutsi bishwe muri Jenoside 253.